Aizawl FC, Mizoram Vs Southern Samity
A hun a thleng leh dawn ta e. Ni 14-02-2012, Thawhlehni Chawhnu dar 02:45 hian Aizawl FC leh Southern Samity te an inkhel dawn.
Southern Samity te hian Match thum khel tawhin vawikhat hneh, Vawikhat Draw leh Vawikhat Chakloh result an nei tawh a. Chutihlaiin Aizawl FC te hian Vawili khel tawhin Vawi hnih chak, vawikhat chak loh leh vawikhat draw result kan nei tawh thung.
He inkhel hi Aizawl FC tan chuan 2nd Division I-League kan khelh theih leh theih loh tur hriltutur a ni tawh dawn a. Chak loh thiang lo inkhel a ni tawh. Chutihlai mekin Southern Samity tan pawh chak chuan beiseina an la nei thei dawn a. Inkhel hi a tang hle tura ngaih a ni.
Vawiin lam inkhel-ah Arhima FC leh Green Valley te Goal 4 ve ve inpea an inhnehtawk avangin Aizawl FC te tan chance tha tak mai min siamsak leh a. Sikkim United chu point 10 hmu-in pakhatna an ni a, Point 8 hmu-in table-ah Arhima hi Pahnihna an ni thung. Aizawl FC chuan point 7 hmu-in pathumna kan ni mek a. Naktuka kan tum tur Southern Samity tihloh chuan Khelh li(4) vek an khel tawh a. Eagles FC-in khelh 5 an khel tawh thung. Naktuka kan chak a nih chuan pahnihna-ah kan kai chho ang.